काठमाडौं:- प्रधानमन्त्री पुष्पकमल दाहाल प्रचण्डले नक्कली भुटानी शरणार्थी प्रकरणमा भइरहेको अनुसन्धानमा आशंका नगर्न आग्रह गर्नु भएको छ ।
संसदमा बिहीबार भएको प्रश्न उत्तरमा सांसदहरुले गरेको प्रश्नमा जवाफ दिदै उहाँले यस्तो आग्रह गर्नुु भएको हो । प्रधानमन्त्री प्रचण्डले यो अब कुनै पार्टी, नेता विशेषको विषय नभएको बताउनु भएको हो ।
यसलाई अन्तराष्ट्रिय संघ संस्थाले समेत चासोका साथ हेरिरहेको भन्दै उहाँले यसमा कुनै शंका गर्नु नपर्ने बताउनु भयो । उहाँले भन्नु भयो , प्रहरी र गृह मन्त्रालयमा कुनै दबाव र हस्ताक्षेप छैन ।’आफूले गृह मन्त्रीलाई पनि दोषी कोही नछुटुन्, निर्दोष नपरुन भनेर आफूले प्रष्ट निर्देशन दिएको प्रधानमन्त्रीले जानकारी दिनु भयो ।
