काठमाडौं :इलाहाबाद उच्च अदालतले आदिपुरूष सेन्सर बोर्डबाट पास हुनु त्रुटीपूर्ण भएको बताएको छ । उच्च न्यायालयको लखनउ बेन्चले बुधबार लगातार तेस्रो दिन फिल्म आदिपुरुषमा आपत्तिजनक संवादको विषयमा सुनुवाइ गरेको थियो ।
अदालतले रामायणका पात्रलाई हिन्दूहरूले पूजा गर्ने गरेको तर फिल्ममा ठट्टाको रूपमा देखाइनु आपत्तिजनक भएको बताएको छ । अदालतले सेन्सर बोर्डलाई फिल्म कसरी पास भयो भनेर प्रश्न समेत गरेको छ ।
सुनुवाइका क्रममा फिल्म पास गरेर सेन्सर बोर्डले गल्ती गरेको ठहर अदालतले गरेको छ। फिल्ममा हनुमानको संवादलाई लिएर निकै विवाद भएको थियो ।‘आदिपुरूष’ रिलिज भएदेखि नै विवाद चलिरहेको छ ।
