काठमाडौँ : इन्डियन प्रिमियर लिग (आईपीएल) क्रिकेटमा दिल्ली क्यापिटल्सले गुजरात टाइटन्सलाई ४ रनले परजित गरेको छ। जितसँगै दिल्लीको ९ खेलमा ८ अङ्क सहित छैटौं स्थान छ भने गुजरात ९ खेलमा ८ अङ्कका साथ पाँचौं सातौं छ।
गएराति भएको खेलमा दिल्लीले दिएको २२५ रनको लक्ष्य पछ्याएको गुजरातले ८ विकेट गुमाएर मात्र २२० रन बनायो। गुजरातको लागि साइ सुदर्शनले ६५ सर्वाधिक रन, डेविड मिलर ५५ रन, रिद्दिमान शाहले ३९ रन तथा राशिद खानले २१ रन बनाएका थिए।
बलिङमा दिल्लीका लागि राशिख सलामले ३ विकेट, कुलदीप यादवले २ विकेट तथा मुकेश कुमार, एनरिच नोर्किया र अक्षर पटेलले समान १/१ विकेट लिएका थिए।
त्यसअघि अरुण जेट्ली स्टेडियममा टस हारेर पहिला ब्याटिङको गरेको दिल्लीले २० ओभरमा ४ विकेट गुमाउँदै २२४ रन बनाएको थियो। दिल्लीका लागि कप्तान ऋषभ पन्तले सर्वाधिक ८८ रन बनाएका थिए। यस्तै, अक्षर पटेलले ६६ रन, स्टब्सले २६ रन, जेक फ्रेजर म्याकगर्क २३ रन तथा पृथ्वी शा ११ रन बनाएका थिए।
बलिङमा गुजरातका लागि सन्दिप वारियरले ३ विकेट तथा नुर अहमदले १ विकेट लिएका थिए।
