साउन १६,काठमाडौं :नेपाली कांग्रेसका केन्द्रीय सदस्य जीतजंग बस्नेतले किसानका मागलाई व्यवहारमा पूरा गर्नुपर्ने बताउनु भएको छ । नेपाल किसान महासंघ जिल्ला कार्यसमिति परिचयात्मक कार्यक्रममा नेता बस्नेतले यस्तो बताउनु भएको हो । किसानका हक र अधिकारहरू नारामा सीमित रहेको उहाँको भनाई छ ।
नेता बस्नेतले सरकार कालोबजारी नियन्त्रणमा उदासीन रहेको समेत आरोप लगाउनु भयो । सरकारले किसानका पक्षमा काम गर्न नसक्ने हो भने कांग्रेसले सरकार छोड्नुपर्ने नेता बस्नेतले बताउनु भयो ।
बस्नेतले भ्रष्टाचार बिरोधी अभियानमा कांग्रेस सरकारमा हुँदा वा नहुँदा बुलन्द आवाज उठाउँदै आएको पनि बताउनु भएको छ ।
ललितपुर कांग्रेसका सभापति जितेन्द्रकुमार श्रेष्ठले किसान महासंघ ललितपुरलाई किसानहरूको हकहित र अधिकारमा काम गर्दा पार्टीबाट चाहिने जस्तो सुकै सहयोग प्राप्त हुने बताउनु भयो ।
