काठमाडौं : प्रधानमन्त्री पुष्पकमल दाहाल प्रचण्डले रासायनिक मलको आपूर्ति विगतको भन्दा सुदृढ भएको दाबी गर्नु भएको छ । साथै यो वर्ष धान बालीका लागि मल अभाव नहुने उहाँले दाबी गर्नु भएको हो ।
संसदमा भएको प्रश्नोत्तर कार्यक्रममा जनमत पार्टीका सांसद अब्दुल खानले मल अभावबारे प्रश्न गरेका थिए । जवाफमा प्रधानमन्त्री प्रचण्डले रासायनिक मलको आपूर्ति विगतको भन्दा सुदृढ भएको दाबी गर्दै ३ लाख ५१ हजार मेट्रिक टन आयात भएको उहाँले बताउनु भयो ।
साथै यो महिनाभित्र कोलकत्ताबाट ४५ हजार मेट्रिकटन भित्रिने भन्दै ‘विगतको जस्तो मल अभाव हुने अवस्था नआउने उहाँको भनाई छ ।
