काठमाडौँ : क्रिकेट जगतमा आफ्ना कीर्तिमान र नेतृत्व क्षमताले छुट्टै पहिचान बनाएका खेलाडीहरूको दाँजोमा नेपालका राष्ट्रिय क्रिकेट टोलीका कप्तान रोहित पौडेलले एक नयाँ र रोचक कीर्तिमान बनाएका छन्। टी–२० अन्तर्राष्ट्रिय क्रिकेटमा कप्तानी सम्हाल्ने मामिलामा रोहितले भारतका पूर्व कप्तान तथा स्टार ब्याट्सम्यान विराट कोहलीलाई पछि छाडेका छन्।
उपलब्ध तथ्याङ्कअनुसार कप्तान रोहित पौडेलले अहिलेसम्म टी–२० अन्तर्राष्ट्रियमा ५९ खेलमा नेतृत्व गर्दै ३३ वटा जित आफ्नो नाम गरेका छन्। यससँगै उनको कप्तानीमा टोलीको जित प्रतिशत ६०.५३ रहेको छ। उता, भारतीय क्रिकेट टोलीका पूर्व कप्तान विराट कोहलीले आफ्नो कप्तानी कार्यकालमा ५० टी–२० अन्तर्राष्ट्रिय खेलमा टोلیको नेतृत्व गर्दै ३० जित निकालेका थिए। कोहलीको कप्तानीमा भारतको जित प्रतिशत ६४.५० थियो।
खेलिएको कुल खेल र जितको संख्याको आधारमा नेपाली कप्तान रोहित पौडेल विराट कोहलीभन्दा अगाडि देखिएका छन् भने, जित प्रतिशतको मामिलामा भने विराट कोहलीले बाजी मारेका छन्।
