काठमाडौँ : सहकारी ठगी प्रकरणमा रास्वपाका सभापति रवि लामिछानेविरुद्ध अनुसन्धान जारी रहेको अवस्थामा उनका समर्थकहरूले पोखरामा प्रदर्शन गरेका छन्। उनीहरूले प्रतिशोधात्मक रूपमा फसाउन खोजिएको दाबी गर्दै लामिछानेको रिहाइको माग गरेका छन्।
प्रदर्शनका क्रममा, समर्थकहरूले निषेधित क्षेत्र तोड्न खोजेपछि प्रहरीले अश्रुग्याँस प्रहार गरेको छ। वाइचोकबाट सहिदचोकतर्फ जान खोज्ने क्रममा प्रहरीले बल प्रयोग गर्नुपरेको हो।
प्रदर्शनमा सहभागीहरूले सरकारसँग प्रतिशोधात्मक राजनीति नगर्नका लागि आग्रह गरेका छन्। लामिछानेलाई सहकारी ठगी प्रकरणमा अनुसन्धानका लागि मंगलबार कास्की जिल्ला अदालतमा पेश गरिएको छ।
यसबीच, समर्थकहरूले सडकमा भेला भएर सरकारमाथि दबाब बढाउँदै छन्।
