काठमाडौँ : टि ट्वान्टी सिरिज अन्तर्गत नेपालले अमेरिकालाई १ सय ६५ रनको लक्ष्य दिएको छ। ग्रान्ड प्रेरिमा भएको खेलमा टस हारेर पहिला ब्याटिङ गरेको नेपालले २० ओभरमा ९ विकेट गुमाउँदै १ सय ६४ रन बनाएको थियो।
नेपालका लागि कप्तान रोहित कुमार पौडेलले सर्वाधिक ४९ बनाएका थिए। पौडेल अर्धशतक बनाउनबाट एक रनले चुकेका छन्। यस्तै, दीपेन्द्र सिंह ऐरीले २८ रन, आसिफ शेखले २७ रन, अनिल साहले २७ रन, गुल्शन झाले ११ रन, कुशल भूर्तेलले १० रन र सोमपाल कामीले २ रन बनाएका थिए।
नेपालले अन्तिम दुई ओभरमा १४ रन जोड्दा ५ विकेट गुमायो। बलिङमा अमेरिकाका लागि सौरभ नेत्रभालकर, जसदिप सिंह र हर्मित सिंहले समान २/२ विकेट लिएका थिए।
