काठमाडौँ : नेपालले दोस्रो टी-२० खेलमा आज वेस्टइन्डिज ए सँग खेल्दैछ। खेल आज दिउँसो १ बजे त्रिवि क्रिकेट मैदान कीर्तिपुरमा हुनेछ। सिरिजको तेस्रो खेल वैशाख १९ बुधवार, चौथो खेल वैशाख १९ बिहीबार र पाँचौँ तथा अन्तिम खेल वैशाख १९ शनिवार हुनेछ।
नेपाल आज दोस्रो जितको खोजीमा हुन छ भने वेस्ट इन्डिज पहिलो जित को खोजीमा हुन छ। हिजो (शनिबार) भएको पहिलो खेलमा नेपालले वेस्टइन्डिजलाई ४ विकेटले हराएको थियो। नेपालको जितमा कप्तान रोहितकुमार पौडेलले ५४ बलमा १० चौका र ६ छक्काको मद्दतमा ११२ रनको इनिङ खेलेका थिए।
नेपाली टोलीमा रोहित पौडेल (कप्तान), आसिफ शेख, कुशल भुर्तेल, अनिल शाह, आरिफ शेख, सन्दीप जोरा, दीपेन्द्रसिंह ऐरी, कुशल मल्ल, गुलशन झा, ललित राजवंशी, करण केसी, सोमपाल कामी, प्रतिश जि.सी., अभिनाश बोहरा, विवेक यादव, आकाश चन्द, कमलसिंह ऐरी, लोकेश बम, सागर ढकाल र विनोद भण्डारी रहेका छन्।
वेस्ट इन्डिज टोलीमा रोस्टन चेस (कप्तानी) एलिक एथानाज, फेबियन एलेन, कादिम एलीने, जोशुआ बिशप, केसी कार्टी, जोनसन चार्ल्स, मार्क देयल, आन्द्रे फ्लेचर, म्याथ्यू फोर्ड, ओबेद म्याक्वाइ, गुडाकेश मोती, किमो पल, ओशाने थोमस र हेडेन वाल्श रहेका छन्।
