भदौ २, काठमाडौं : पृथ्वीराजमार्ग अन्तर्गत आज बिहान धादिङमा बस दुर्घटना भएको छ। धादिङको रोराङ गाउँपालिका वडा नं ९ हुग्दी खोलामा बस दुर्घटना हुँदा २६ जना घाइते भएका छन्।
दाङबाट काठमाडौंतर्फ जाँदै गरेको बागमती प्रदेश ०३–००१ ख २६७५ नम्बरको यात्रु वाहक बस आफैं अनियन्त्रित भएर सडकमै पल्टिँदा बसमा सवार २६ जना घाइते भएका हुन्। घाइतेहरुमध्ये केहीको अवस्था मध्यम र केहीको सिकिस्त रहेको छ।
प्रहरीका अनुसार दुर्घटनामा घाइते भएका मध्ये ३ जनाको अवस्था सिकिस्त रहेको छ। दुर्घटनामा परी घाइते भएका ५ जनालाई उपचारका लागि काठमाडौं पठाइएको छ भने अन्य घाइतेको मलेखुस्थित राजमार्ग अस्पताल र नजिकका स्वास्थ्य संस्थामा उपचार भइरहेको छ।
