काठमाडौं : काठमाडौंको तारकेश्वरमा सवारी दुर्घना हुँदा एक जनाको निधन भएको छ । बुधबार दिउँसो तारकेश्वर नगरपालिका-६ जरंखुमा बस र मोटरसाइकल एकापसमा ठोक्किदा मोटरसाइकल चालकको निधन भएको हो।
बुधबार दिउँसो बा ३ ख ६३६७ नम्बरको बसले बा ४९ प ६०९ नम्बरको मोटरसाइकललाई ठक्कर दिएको प्रहरीले जनाएको छ । काठमाडौंतर्फ आउँदै गरेको बसले मोटरसाइकललाई ठक्कर दिएर रेलिङ भत्काएर शेषमती खोलामा खसेको छ। प्रहरीका अनुसार तीव्र गतिका कारण दुर्घटना भएकाे हाे ।
दुर्घटनामा घाइते भएका मोटरसाइकल चालक जोगेन्द्रप्रसाद गुप्तालाई उपचारकालागि ग्रिन सिटी अस्पताल पुर्याइएको थियो । उनको उपचारको क्रममा निधन भएको छ । साे दुर्घटनामा परेर १० जना घाइते भएका छन् ।
घटनालगत्तै बसका चालक र सहचालक फरार रहेको बुझिएको छ ।
