काठमाडौँ : सिद्धार्थ बैंक लिमिटेडले गत आर्थिक वर्षको चौथो त्रैमासिक वित्तीय विवरण सार्वजनिक गर्दै आफ्नो वित्तीय सूचकहरूमा उल्लेखनीय प्रगति हासिल गरेको छ। बैंकको मुख्य वित्तीय विवरणहरू यसप्रकार छन्:
प्रमुख वित्तीय विवरणहरू
-
लाभांश क्षमता : बैंकको लाभांश क्षमतामा दोब्बरभन्दा बढीको वृद्धि भई २६.१५ प्रतिशत पुगेको छ (अघिल्लो वर्ष १३.०४ प्रतिशत थियो)।
-
वितरणयोग्य मुनाफा : वितरणयोग्य मुनाफा ११०.४७ प्रतिशतले बढेर ३ अर्ब ८६ करोड रुपैयाँ पुगेको छ, जुन अघिल्लो वर्ष १ अर्ब ८३ करोड रुपैयाँमा सीमित थियो।
-
खुद नाफा : समीक्षा अवधिमा बैंकले ३ अर्ब ५१ करोड रुपैयाँ खुद नाफा आर्जन गरेको छ। यो अघिल्लो वर्षको तुलनामा ४.५४ प्रतिशतले बढी हो।
-
खुद ब्याज आम्दानी : बैंकको खुद ब्याज आम्दानी ७.२४ प्रतिशतले वृद्धि भई ९ अर्ब ५ करोड रुपैयाँ पुगेको छ।
व्यवसायिक आकार तथा अन्य सूचकहरू
-
निक्षेप तथा कर्जा: बैंकले यस अवधिमा ३ खर्ब २७ अर्ब रुपैयाँ निक्षेप संकलन गरी २ खर्ब ३३ अर्ब रुपैयाँ कर्जा प्रवाह गरेको छ।
-
लागत (Cost of Fund ): कोषको लागत ४.३९ प्रतिशतबाट घटेर ३.४२ प्रतिशतमा सीमित भएको छ, जसले बैंकको वित्तीय क्षमता सुदृढ रहेको संकेत गर्छ।
-
खराब कर्जा (NPL) : बैंकको खराब कर्जा अनुपात अघिल्लो वर्षको २.६२ प्रतिशतबाट बढेर ३.५३ प्रतिशत पुगेको छ।
-
इक्विटीमाथिको प्रतिफल (ROE) : यस्तो प्रतिफल ११.४१ प्रतिशतबाट घटेर १०.६२ प्रतिशत कायम भएको छ।
प्रतिसेयर तथा अन्य अनुपातहरू
-
प्रतिसेयर आम्दानी (EPS) : २३.०६ रुपैयाँ
-
प्रतिसेयर नेटवर्थ : २२५.१७ रुपैयाँ
-
प्रतिसेयर कुल सम्पत्तिको मूल्य : २,६०९.९३ रुपैयाँ
-
मूल्य आम्दानी अनुपात (P/E Ratio) : १७.१३ गुणा
-
तरलता अनुपात : ३४.७१ प्रतिशत
