काठमाडौं : नेपाल सुनचाँदी व्यवसायी महासंघले मंगलबार सुनचाँदीको मूल्यमा उल्लेखनीय वृद्धि भएको जनाएको छ। मंगलबार सुनको मूल्य प्रतितोला ३ लाख १७ हजार रुपैयाँ पुगेको छ, जुन सोमबारको तुलनामा ३ हजार ८ सय रुपैयाँले बढी हो।
त्यस्तै १० ग्राम सुनको मूल्य पनि २ लाख ७१ हजार ७ सय ७५ रुपैयाँ कायम भएको छ, सोमबारको मूल्यभन्दा करिब ३ हजार २ सय ५५ रुपैयाँले वृद्धि भएको छ।
चाँदीको मूल्य पनि उकालो लागेको छ। मंगलबार चाँदी प्रतितोला ५ हजार ७ सय २० रुपैयाँमा कारोबार भएको छ, जुन सोमबारको तुलनामा ३ सय १० रुपैयाँले बढी हो। १० ग्राम चाँदीको मूल्य ४ हजार ९ सय ४ रुपैयाँ पुगेको छ, सोमबारको मूल्यभन्दा २ सय ६६ रुपैयाँले वृद्धि भएको महासंघले जनाएको छ।
