काठमाडौँ : अपि पावर कम्पनी लिमिटेडले दार्चुला पावर लिमिटेडमा ७३ करोड रुपैयाँ लगानी गर्ने निर्णय गरेको छ। कम्पनीको पुष १० गते बसेको सञ्चालक समितिको बैठकले दार्चुला पावर लिमिटेडमा बहुमत शेयर कायम राख्ने उद्देश्यले यो लगानी गर्ने निर्णय गरेको हो।
दार्चुला पावर लिमिटेडले दार्चुला जिल्लाको मार्मा गाउँपालिकामा प्रवद्र्धन गरिरहेको २८.३०४ मेगावाट क्षमताको मध्य चमेलिया जलविद्युत् आयोजना निर्माणका लागि आवश्यक स्वपूँजी १ अर्ब ४१ करोड ५२ लाख रुपैयाँ जुटाउन अपि पावरले ५१.५८२ प्रतिशत हिस्सा बराबरको लगानी गर्ने निर्णय गरेको हो।
