काठमाडौं : सूर्यज्योति लाइफ इन्स्योरेन्स कम्पनी लिमिटेडले पुस ६ गते सम्पन्न साधारणसभाले स्वीकृत गरेको २० प्रतिशत नगद लाभांश सम्बन्धित शेयरधनीको बैंक खातामा जम्मा गरेको छ। कम्पनीले कात्तिक २१ गते बुक क्लोज गरी कात्तिक २० गतेसम्म कायम रहेका शेयरधनीलाई लाभांश प्रदान गरेको हो।
लाभांश पुस ६ गतेदेखि सम्बन्धित शेयरधनीको बैंक खातामा पठाइएको छ। हालसम्म शेयर अभौतिकीकरण नगरेका र डिम्याट खाता अद्यावधिक नगरेका शेयरधनीलाई कम्पनीले तत्काल शेयर अभौतिकीकरण तथा खाता अद्यावधिक गर्न आग्रह गरेको छ।
त्यस्तै धितोबन्धक राखी कर्जा लिएका शेयरधनीको हकमा कर्जा चुक्ता गरी फुकुवा पत्र प्राप्त भएपछि मात्र नगद लाभांश बैंक खातामा पठाइने कम्पनीले जानकारी दिएको छ।
कम्पनीले सबै शेयरधनीलाई आवश्यक प्रक्रिया पूरा गर्न समयमै कदम चाल्न अनुरोध गरेको छ, ताकि लाभांश प्राप्तिमा कुनै समस्या नआओस्।
