काठमाडौं : नेपाल चिया विकास निगम लिमिटेडले पुस २९ गते सोमबार काठमाडौंमा साधारण सभा आह्वान गरेको छ। सभा होटल रोयलसिंधिं, कमलादीमा अपराह्न ४ः३० बजे सुरु हुनेछ।
सभामा निगमको चुक्ता पुँजी वृद्धि र सर्वसाधारणलाई शेयर विक्री गर्ने प्रस्तावलाई प्राथमिकताका साथ छलफल गरिनेछ। यी प्रस्तावहरूमाथि निर्णय गर्न सभाले ठोस निर्णय लिने अपेक्षा गरिएको छ।
त्यसैगरी, गत आर्थिक वर्षको वार्षिक प्रतिवेदनमाथि छलफल गरी अनुमोदन गर्ने र चालू आर्थिक वर्षका लागि लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि सभामा प्रस्तुत गरिनेछ।
