काठमाडौँ : फर्स्ट माइक्रोफाइनान्स लघुवित्त वित्तीय संस्थाले आर्थिक वर्ष २०८०/८१ का लागि शेयरधनीहरूलाई लाभांश वितरण गर्ने निर्णय गरेको छ। आज कात्तिक १४ गते बसेको सञ्चालक समितिको बैठकले कुल लाभांश ९.४७ प्रतिशत लाभांश घोषणा गरेको हो । जसमा ९ प्रतिशत बोनस शेयर र ०.४७ प्रतिशत नगद लाभांश लाभांश रहेको छ।
हाल माइक्रोफाइनान्स चुक्तापुँजी १ अर्ब २३ करोड ३८ लाख २६ हजार ९०२ रुपैयाँ रहेको छ। चुक्तापुँजीको कुल ९.४७ प्रतिशतले हुन आउने ११ करोड ६८ लाख ८८ हजार ८ सय ६२ रुपैयाँबराबरको लाभांश वितरण गर्ने निर्णय गरेको छ।
यस अन्तर्गत, बोनस शेयरका रूपमा ११ करोड १० लाख ४४ हजार ४ सय २१ रुपैयाँ र नगद लाभांशका रूपमा ५८ लाख ४४ हजार ४ सय ४१ रुपैयाँ वितरण गरिनेछ।
संस्थाको उक्त प्रस्तावित लाभांश नेपाल राष्ट्र बैंकले स्वीकृत गरेपछि कम्पनीको आगामी वार्षिक साधारण सभाले पारित गरेपछि वितरण हुनेछ।
