काठमाडौं: सत्तारुढ दलको बैठक आज दिउँसो ३ बजे प्रधानमन्त्री निवास बालुवाटारमा बस्ने तय भएको छ। प्रधानमन्त्रीको सचिवालयले जानकारी दिएअनुसार बैठकमा सरकारका गतिविधि, मन्त्रीहरूको कार्यसम्पादन र समसामयिक राजनीतिक विषयहरूमा छलफल हुनेछ।
यसअघि बुधबार पनि बालुवाटारमा सत्तारुढ दलको बैठक बसेको थियो। प्रधानमन्त्री केपी शर्मा ओलीले गत असार ३० गते नेपाली कांग्रेसलगायत दलहरूको समर्थनमा प्रधानमन्त्रीको पदभार ग्रहण गरेका थिए।
बुधबार मात्र सरकारले आफ्नो १०० दिने काम र उपलब्धिहरू सार्वजनिक गरेको थियो। आजको बैठकमा पनि यिनै उपलब्धि र सरकारका आगामी कार्ययोजना बारे मुख्य रूपमा छलफल हुनेछ।
ओली नेतृत्वको सरकारमा नेपाली कांग्रेस, नेकपा एमाले, जनता समाजवादी पार्टी र लोकतान्त्रिक समाजवादी पार्टीको समर्थन रहेको छ।
