काठमाडौँ : आइएमई मोटर्स र रिलायन्स फाइनान्सबीच सवारी साधनका लागि ७० प्रतिशतसम्मको फाइनान्सिङ सुविधा प्रदान गर्ने रणनीतिक साझेदारी भएको छ। उक्त सम्झौतासँगै ग्राहकहरूले अब रिलायन्सबाट ७० प्रतिशतसम्मको सवारी साधन फाइनान्सिङ सुविधा प्राप्त गर्न सक्नेछन् ।
यस सम्झौतामा रिलायन्स फाइनान्सका प्रमुख कार्यकारी अधिकृत समाज प्रकाश श्रेष्ठ, रिटेल तथा एसएमई प्रमुख नविन्द्र के.सी., र आइएमई मोटर्सका सहायक महाप्रबन्धक सुशील सुवेदी र प्रमुख वित्तीय अधिकृत निर्मल अधिकारीबीच हस्ताक्षर भएको हो।
सम्झौताका प्रमुख बुँदाहरू :
१)७० प्रतिशत फाइनान्सिङ सुविधा : ग्राहकहरूले सवारी साधनको कुल मूल्यको ७० प्रतिशतसम्म फाइनान्सिङ सुविधा पाउनेछन्।
२) सहज प्रक्रिया : दुबै कम्पनीको सेवाबाट ग्राहकलाई सरल र प्रभावकारी फाइनान्सिङ प्रक्रिया उपलब्ध हुनेछ।
३) पहुँच विस्तार : उक्त समझदारीले सवारी साधनको स्वामित्वलाई सजिलो बनाउँदै अटोमोबाइल क्षेत्रको विकासमा टेवा पुर्याउनेछ।
