काठमाडौं : राष्ट्रिय स्वतन्त्र पार्टीका सभापति रवि लामिछानेले सहकारी ठगीमा आफ्नो संलग्नता नरहेको पुष्टि भएको दावी गर्नु भएको छ ।
सोमवार प्रतिनिधिसभा बैठकपछि सञ्चारकर्मीसँग उहाँले सहकारी संस्था बचत रकम दुरुपयोग सम्बन्धमा संसदीय छानबिन विशेष समितिको प्रतिवेदनअनुसार आफू सहकारी ठगीमा संलग्न नभएको पुष्टि भएको दावी गर्नु भएको हो ।
उहाँले सहकारीबाट गोर्खा मिडियामा आएको रकम चलाउने क्रममा आफू प्रवन्ध निर्देशक भएको नाताले हस्ताक्षर भने आफ्नै चलेको बताउनु भयो ।
उहाँले गोर्खा मिडिया सञ्चालनका क्रममा भएका कमी, कमजोरीहरुको भने आफू भागीदार हुने स्पष्ट पार्नु भयो । उहाँले आफूहरु सहकारीपीडितको पक्षमा आवाज उठाइरहने पनि बताउनु भयो
