काठमाडौँ : सानिमा क्यापिटलको व्यवस्थापनमा सञ्चालित तीनवटा म्युचुअल फन्डले लाभांश घोषणा भएको छ । लाभांश घोषणा हुनेमा ‘सानिमा इक्विटी फन्ड’, ‘सानिमा लार्ज क्याप फन्ड’ र ‘सानिमा ग्रोथ फन्ड’ रहेका छन् ।
योजना व्यवस्थापक सानिमा क्यापिटलको गत भदौ १४ गते बसेको सञ्चालक समितिको बैठकले ती म्युचुअल फण्डका इकाईधनीलाई आर्थिक २०८०/८१ का लागि लाभांश घोषणा गरेको हो ।
बैठकले सानिमा इक्विटी फण्डको १५ प्रतिशत, सानिमा लार्ज क्याप फण्डको १० प्रतिशत र सानिमा ग्रोथ फण्डको १० प्रतिशत नगद लाभांश (कर सहित) प्रदान गर्ने निर्णय गरेको छ । ती सबै म्युचुअल फण्ड बन्दमुखी योजना हुन् ।
यद्यपि, क्यापिटलले लाभांश वितरण प्रयोजनका लागि बुक क्लोजको मिति भने सार्वजनिक गरेको छैन ।
