काठमाडौं : आईएमई लाइफ इन्स्योरेन्सको नाफा गत आर्थिक वर्षको चौथो त्रैमाससम्म आइपुग्दा १४५ प्रतिशतले बढेको देखिएको छ ।
समीक्षा अवधिमा कम्पनीले ५१ करोड ४५ लाख रुपियाँ खुद नाफा गरेको छ । अघिल्लो आवमा यस्तो नाफा २० करोड ९९ लाख मात्रै थियो ।
त्यस्तै, कम्पनीको कुल बीमाशुल्क आम्दानी १३.२४ प्रतिशतले बढेर ४ अर्ब ७४ करोड ११ लाख रुपियाँ पुगेको छ । अघिल्लो आवमा कम्पनीले ४ अर्ब १८ करोड ६९ लाख रुपियाँ आम्दानी गरेको थियो ।
कम्पनीको कुल दाबी भुक्तानी पनि ६.७६ प्रतिशतले वृद्धि भई १ अर्ब २३ करोड १९ लाख रुपियाँ पुगेको छ भने लगानी ५२.८६ प्रतिशतले बढेर १५ अर्ब ३४ करोड ६८ लाख रुपियाँ पुगेको छ । त्यस्तै, चुक्ता पुँजी पनि २५ प्रतिशतले बढेर ५ अर्ब रुपियाँ पुगेको छ ।
समीक्षा अवधिमा कम्पनीको जीवन बीमा कोषको आकार ४१.५७ प्रतिशतले बढेर ९ अर्ब ९९ करोड १२ लाख रुपियाँ पुगेको छ । अघिल्लो आवको सोही अवधिमा ७ अर्ब ५ करोड ७४ लाख रुपियाँ थियो ।
असार मसान्तसम्म कम्पनीको प्रतिशेयर आम्दानी १० रुपियाँ बाट बढेर १०.२९ रुपियाँ पुगेको छ भने प्रतिशेयर नेटवर्थ १४५.५९ रुपियाँ छ ।
