काठमाडौं :झापाको कनकाई नगरपालिका(७ मा प्रभु बैंकको दुर्गापुर शाखा सञ्चालनमा आएको छ। दुर्गापुरमा झापाको पाँचौँ र देशभरको ३१४ औं शाखाको सञ्चालनमा आएको हो।
बैंकका सञ्चालक समिति अध्यक्ष लीलाप्रकाश सिटौलाले बिहीबार शाखाको उद्घाटन गर्नुभएको थियो ।
कार्यक्रममा बैंकका कोशी प्रदेश प्रमुख अधिकृत बद्रीकुमार कटुवालले यो क्षेत्रको आर्थिक चलायमान बनाउन शाखा सञ्चालनमा आएको बताउनु भयो । बैंकले देशभर ३१४ शाखा कार्यालय, २८६ एटीएम साथै ६९ एक्सटेन्सन काउन्टरमार्फत करिब ३५ लाख भन्दा बढी ग्राहकलाई बैंकिङ एवं वित्तीय सेवा प्रवाह गरिरहेको जनाएको छ।
