काठमाडौं :लुम्बिनी प्रदेशको मुख्यमन्त्रीमा नेकपा एमाले संसदीय दलका उपनेता चेतनारायण आचार्य नियुक्त हुनुभएको छ ।
प्रदेश प्रमुख अमिक शेरचनले संविधानको धारा १६८ को उपधारा (२) अनुसार आचार्यलाई नियुक्त गर्नु भएको हो ।
उहाँले एमालेका २९ तथा कांग्रेसका २७ गरी ५६ सांसदहरूको हस्ताक्षरसहित मुख्यमन्त्रीमा दावी पेश गर्नु भएको थियो ।
एमाले संसदीय दलका नेता लिला गिरीले मुख्यमन्त्री बन्ने तयारी गरेको भए पनि अन्तिममा पार्टीको केन्द्रीय निर्देशनअनुसार आचार्य मुख्यमन्त्री बन्नु भएको हो ।
