काठमाडौँ : स्थानीय बजारमा पहेँलो धातुको मूल्य आज तोलामा रु ८ सयले ओरालो लागेको छ। नेपाल सुनचाँदी व्यवसायी महासङ्घका अनुसार बुधबार तोलामा रु १ लाख ३६ हजार ४ सयमा कारोबार भएको छापावाला सुन आजका लागि रु १ लाख ३५ हजार ६ सय निर्धारण भएको छ ।
त्यस्तै, तेजाबी सुन बुधबार तोलामा रु १ लाख ३५ हजार ७ सय ५० मा कारोबार भएकामा आजका लागि भने रु १ लाख ३४ हजार ९ सय ५० निर्धारण भएको छ।
चाँदीको मूल्य तोलामा रु १० ले वृद्धि भएको छ। बुधबार तोलामा रु १ हजार ६ सय ७५ मा कारोबार भएकामा चाँदी आजका लागि रु १ हजार ६ सय ८५ निर्धारण भएको छ।
