काठमाडौँ : लगातार उकालो लागेर कीर्तिमान कायम गरेको सुन चाँदीको मूल्यमा आज सोमबार घटेको छ।
नेपाल सुनचाँदी व्यवसायी महासङ्घका अनुसार आज छापावाला सुन प्रतितोला रु १ लाख ३८ हजार २ सय रुपैयाँ कायम भएको छ। हिजो आइतबार छापावाला सुन प्रतितोला रु १ लाख ३९ हजार ३ सयमा कारोबार भएको थियो। यस आधारमा सुनको मूल्य प्रतितोला रु १ हजार १ सयले गिरावट आएको हो।
यस्तै, तेजाबी सुनको मूल्य पनि प्रतितोला १ हजार १ सयले घटेर रु १ लाख ३७ हजार ५ सय ५० निर्धारण भएको छ। हिजो आइतबार तेजाबी सुन रु १ लाख ३८ हजार ६ सय ५० रुपैयाँ निर्धारण भई कारोबार भएको थियो।
यसैगरी, आज चाँदीको मूल्य पनि ३५ रुपैयाँले घटेको छ। महासङ्घका अनुसार चाँदीको मूल्य आजका लागि प्रतितोला रु १ हजार ७ सय ५ रुपैयाँ निर्धारण भएको छ। हिजो आइतबार १ हजार ७ सय ४० रुपैयाँ कारोबार भएको थियो।
