भदौं १५,काठमाडौं : शुक्रबार सुनचाँदी दुबैको मूल्य घटेको छ। आज छापावाल सुनको मूल्य तोलामा ३ सय रुपैयाँले घटेर १ लाख १२ हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ। हिजो बिहीबार १ लाख १२ हजार ८ सय रुपैयाँमा छापावाल सुनको खरिद बिक्री भएको थियो।
यस्तै, तेजावी सुनको मूल्य १ लाख ११ हजार ९५० रुपैयाँमा कारोबार भइरहेको छ। हिजो १ लाख १२ हजार २५० रुपैयाँमा तेजावी सुनको खरिद बिक्री भएको थियो। हिजो प्रतितोला १ हजार ४८० रुपैयाँमा किनबेच भएको चाँदी आज १० रुपैयाँले घटेर प्रतितोला १ हजार ४७० रुपैयाँमा खरिद बिक्री भइरहेको छ।
