काठमाडौँ : नेपाल आयल निगम लिमिटेडको नयाँ कार्यकारी निर्देशकमा नागेन्द्र साह नियुक्त भएका छन्। बुधबार बसेको मन्त्रिपरिषद्को बैठकले साहलाई निगमको प्रमुख कार्यकारी निर्देशकको जिम्मेवारी दिने महत्त्वपूर्ण निर्णय गरेको हो। यसअघि साह निगमका निमित्त कार्यकारी निर्देशकको रूपमा समेत जिम्मेवारी सम्हालिसकेका अनुभवी व्यक्ति हुन्।
उद्योग, वाणिज्य तथा आपूर्ति मन्त्रालयले खुला प्रतिस्पर्धाको माध्यमबाट योग्य नेतृत्व छनोट गर्नका लागि दरखास्त आह्वान गरेको थियो। उक्त खुला प्रतिस्पर्धाको अन्तिम चरणमा उत्कृष्ट तीन जनाको नाम सिफारिस गरिएको थियो जसमा नागेन्द्र साह , कौशल केसी (प्युठान) र सञ्जीवकुमार देव (सप्तरी) थिए।
सिफारिस भएका तीन जना प्रतिस्पर्धीहरूमध्येबाट उनीहरूको योग्यता, कार्यक्षमता र अनुभवको गहिरो मूल्यांकन गर्दै मन्त्रिपरिषद्ले साहलाई कार्यकारी निर्देशकमा नियुक्त गर्ने निर्णय गरेको हो।
