काठमाडौं : रघुगंगा हाइड्रोपावर लिमिटेडले साधारण शेयर (आईपीओ) जारी गर्ने तयारी गरेको छ। यसका लागि कम्पनीले पुस २२ गते काठमाडौंको रत्नपार्कस्थित ने.वि.प्रा. को सभाहलमा आफ्नो आठौं वार्षिक साधारणसभा आयोजना गर्ने घोषणा गरेको छ।
सभामा सर्वसाधारणलाई साधारण शेयर (आईपीओ) जारी गर्न स्वीकृति दिने प्रस्ताव पेस गरिनेछ। साथै गत आर्थिक वर्षको वार्षिक प्रतिवेदन, लेखापरीक्षण प्रतिवेदन र अन्य वित्तीय विवरणमाथि छलफल गरी पारित गर्ने कार्यक्रम रहेको कम्पनीले जनाएको छ।
