काठमाडौं : लक्ष्मी सनराइज बैंकले आफ्ना संस्थापक समूहका ४० लाख ६१ हजार ४ सय २९ कित्ता शेयर बिक्रीमा ल्याएको छ।
यो शेयर बैंकका विद्यमान संस्थापक शेयरधनीलाई मात्र बिक्री गरिनेछ। खरिद गर्न चाहने संस्थापक शेयरधनीले तोकिएको ३५ दिनभित्र निवेदन दिनुपर्नेछ। निवेदनका लागि बैंकको काठमाडौं, हात्तीसारस्थित केन्द्रीय कार्यालयमा सम्पर्क गर्नुपर्ने छ।
तोकिएको समयमा विद्यमान संस्थापक शेयरधनीहरुले खरिद गर्न आवेदन नदिएमा, कम्पनीले उक्त शेयर अन्य व्यक्ति तथा संस्थालाई बिक्री खुला गर्ने जनाएको छ।
