काठमाडौँ : आज घरेलु बजारमा सुनचाँदीको मूल्यमा गिरावट आएको छ। केही हप्तादेखि निरन्तर रूपमा बढिरहेको सुनको मूल्य आज मंगलबार तोलामा ६ सय रुपैयाँले घटेको छ।
नेपाल सुनचाँदी व्यवसायी महासंघका अनुसार आज छापावाला सुनको प्रतितोला १ लाख ५६ हजार ७ सय रुपैयाँमा कायम भएको छ। हिजो सोमबार छापावाला सुनको मूल्य प्रतितोला १ लाख ५७ हजार ३ सय रुपैयाँ थियो। जुन हालसम्मकै उच्च थियो ।
यस्तै, आज चाँदीको मूल्य पनि १० रुपैयाँले घटेर प्रतितोला १ हजार ९ सय ५ रुपैयाँमा झरेको छ।
महासंघका अनुसार प्रति १० ग्राम छापावाला सुनको मूल्य १ लाख ३४ हजार ३ सय ४५ रुपैयाँ र प्रति १० ग्राम चाँदीको मूल्य १ हजार ६ सय ३३ रुपैयाँ कायम भएको छ।
#सुनचाँदी
