काठमाडौं :भ्रष्टाचार मुद्दामा दोषी ठहर भएका सहसचिव चूडामणि शर्मालाई डिल्लीबजार कारागार चलान गरिएको छ। बिगो रकम बुझाउन नसकेपछि उहाँ कारागार चलान हुनु भएको हो ।
विशेष अदालतले तोकेको ४ अर्ब १० करोड ४६ लाख रुपैयाँ रकम बुझाए उहाँले थुना बाहिर बसेर मुद्दाको पुर्पक्ष गर्न पाउनुहुनेछ । बिगो रकम बुझाउन नसकेमा भने सर्वोच्चबाट मुद्दाको अन्तिम किनारा लाग्नुअघि थुनामै बस्नुपर्छ ।
शर्मा गएको बुधवार सर्वोच्च अदालतमा पुनरावेदन गर्न उपस्थित हुनु भएको थियो । कर फर्छ्योट आयोगमा छँदा व्यापारीलाई ठूलो रकम छूट दिएको प्रकरणमा शर्मा दोषी ठहर हुनुभएको थियो ।
