काठमाडौं :एसीसी प्रिमियर कप क्रिकेटको फाइनलमा नेपाल र यूएईको बाँकी खेल भोलि हुने भएको छ । सोमबार टियु मैदानमा जारी नेपाल र युएईबीचको फाइनल खेल वर्षाका कारण स्थगित भएको छ।
नेपालले टस जितेपछि ब्याटिङमा आएको यूएईले २७.३ ओभरमा ९ विकेट गुमाई १ सय ६ रन बनाएको अवस्थामा वर्षा सुरु भएको थियो ।
बिहान ११ बजेर ५० मिनेट जादा दोस्रो पटक खेल रोकिएको थियो । दिउँसो ३ बजेर ३० मिनेटसम्म पनि वर्षा नरोकिएपछि बाँकी खेल मंगलबार हुने भएको हो ।
