जकपुरधाम : धनुषामा ३ जना सवार मोटरसाइकल अनियन्त्रित भएर दुर्घटना हुँदा २ जनाको मृत्यु र एकजना गम्भीर घाइते भएका छन्। प्रहरीका अनुसार २ जनाको घटनास्थलमै मृत्यु भएको थियो। तीव्र गतिको कारण मोटरसाइकल दुर्घटना भएको हुन सक्ने प्रहरीको अनुमान छ।
आज बिहान करिब ३ बजेको समयमा जनकपुरधामबाट ढल्केबर तर्फ जाँदै गरेको प्रदेश २–०२–००२ प ४०९२ नम्बरको मोरसाइकल लक्ष्मीनियाँ गाउँपालिका ४ सपही स्थित पुलभन्दा ५० मिटर उत्तरतिर अनियन्त्रित भएर दुर्घटना भएको प्रहरीले जानकारी दिनुभयो।
मृत्यु हुनेमा धनुषाको कमला नगरपालिका ८ का भरत सहनी र विदेह नगरपालिका १ का जय कुमार सहनी तथा जनकपुरधाम उप-महानगरपालिका १२ का शत्रुधन सहनी गम्भीर घाइते छन्। सहनीको यहाँ उपचार हुन नसकेपछि थप उपचारका लागि काठमाडौंको न्यूरो अस्पताल लगिएको प्रहरीले जानकारी दिनुभयो।
