काठमाडौँ : साताको पहिलो कारोबार दिन आज सोमबर नेप्से दोहोरो अंकले घटेर बन्द भएको छ। गत शुक्रबार ११.९० अंकले घटेको नेप्से आज दोहोरो अंकले घटेर बन्द भएको छ।  दुई दिनमा नेप्से ३२.३८ अंकले घटेको छ। नेप्सेसंगै कारोबार रकम भने घटेको छ भने कारोबार ३ अर्बमा सीमित भएको छ। आज नेप्से परिसूचक २०.४८ अंकको घटेर २ हजार ५ सय ६६ दशमलव ७६ विन्दुमा पुगेको हो ।

त्यस्तै, आज सेन्सेटिभ इण्डेक्स ३.१७ अंक, फ्लोट इण्डेक्स १.४७ अंक तथा सेन्सेटिभ फ्लोट इण्डेक्स १.१० अंक घटेको छ। आज १२ वटै उपसमूहका परिसूचक घटेको छ भने १ वटै उपसमूहका परिसूचक बढेको छ। साथै, आज ३२ कम्पनीको शेयर मूल्य बढेको छ र २ सय ४२ कम्पनीको शेयर मूल्य घटेको छ तथा ४ कम्पनीको शेयर मूल्य स्थिर छ।

यसगरी, आज घलेम्दी हाइड्रो को २२ करोड ८६ लाख ७७ हजार रुपैयाँ, हाथवे इन्भेष्टमेन्टको ८ करोड ४९ लाख १ हजार रुपैयाँ र शिवम सिमेन्ट्सको ८ करोड ४३ लाख ९२ हजार रुपैयाँ शेयर कारोबार भएको छ। साथै, आज स्ट्याण्डर्ड चार्टर्ड बैंक लिमिटेड डिबेञ्चरको शेयर सर्वाधिक ५.७५ प्रतिशत बढेको छ भने त्रिशुली जलविद्युत कम्पनीको शेयर सर्वाधिक ८.८४ प्रतिशतले गिरावट आएको छ।

यस्तै, आज ३ सय ५९ कम्पनीको ४४ हजार ७ सय ७७ पटकको कारोबारमा ३ अर्ब २७ करोड ९५ लाख ९ हजार रुपैयाँ बराबरको ९० लाख ३ हजार ३ सय ८८ कित्ता शेयर कारोबार भएको छ भने गत शुक्रबार ४ अर्ब २९ करोड रुपैयाँ शेयर कारोबार भएको थियो।