काठमाडौँ : नेपाल स्टक एक्सचेञ्ज (नेप्से) ले दुई सूचीकृत कम्पनी र एक म्युचुअल फण्डको शेयरमूल्य समायोजन गरेको छ। नेप्सेका अनुसार सर्वोत्तम पेन्ट्स इन्डस्ट्रिज, शाइन रेसुंगा डेभलपमेन्ट बैंक र अरुण भ्याली हाइड्रोपावर डेभलपमेन्ट कम्पनीको मूल्य समायोजन भएको छ।

सर्वोत्तम पेन्ट्स इन्डस्ट्रिज : 
 कम्पनीले प्रस्ताव गरेको ६ प्रतिशत बोनस शेयर समायोजनपछि नयाँ मूल्य १ हजार २ सय १३  रुपैयाँ ६४ पैसा कायम भएको छ। यसअघि सोमबार दोस्रो बजारमा यसको अन्तिम कारोबार १ हजार ३ सय ३५ रुपैयाँमा भएको थियो।

शाइन रेसुंगा डेभलपमेन्ट बैंक : 
कम्पनीले प्रस्ताव गरेको ६ प्रतिशत बोनस शेयर समायोजनपछि नयाँ मूल्य ४ सय ४ रुपैयाँ ६२ पैसा कायम भएको छ। यसअघि सोमबार दोस्रो बजारमा यसको अन्तिम कारोबार ४ सय २८ रुपैयाँ ९०  पैसामा भएको थियो।

अरुण भ्याली हाइड्रोपावर डेभलपमेन्ट कम्पनी : 
कम्पनीले प्रस्ताव गरेको ५ प्रतिशत बोनस शेयर समायोजनपछि नयाँ मूल्य २ सय ५६ रुपैयाँ १९ पैसा कायम भएको छ। यसअघि सोमबार दोस्रो बजारमा यसको अन्तिम कारोबार ४ सय ६९ रुपैयाँमा भएको थियो।

अन्तिम कारोबार मूल्यलाई आधार मानेर नेप्सेले यस मूल्यमा समायोजन गरेको हो। अब असोज १३ गते मंगलबार दोस्रो बजार खुल्दा यिनै समायोजित मूल्यका आधारमा शेयर कारोबार सुरु हुनेछ।