काठमाडौँ : सिटिजन लाइफ इन्स्योरेन्स कम्पनीले गत आर्थिक वर्ष २०८२/८३ को अपरिष्कृत वित्तीय विवरण सार्वजनिक गरेको छ। सार्वजनिक विवरणअनुसार समीक्षा वर्षमा कम्पनीको नाफा तथा बीमा कोषको आकारमा उल्लेख्य सुधार आएको छ।
गत आर्थिक वर्षमा कम्पनीले ३९ करोड ८ लाख रुपैयाँ खुद नाफा आर्जन गरेको छ। अघिल्लो आर्थिक वर्ष २०८१/८२ मा १८ करोड ९१ लाख रुपैयाँ नाफा कमाएको कम्पनीको खुद नाफा समीक्षा वर्षमा १०६.६३ प्रतिशतले बढेको हो।
जीवन बीमा कोष : अघिल्लो वर्ष १९ अर्ब ८५ करोड ४८ लाख रुपैयाँ रहेको जीवन बीमा कोष ३६.१२ प्रतिशतले बढेर २७ अर्ब २ करोड ६६ लाख रुपैयाँ पुगेको छ।
कुल बीमाशुल्क आर्जन : २४.१९ प्रतिशतको वृद्धिसँगै कुल बीमाशुल्क आर्जन ९ अर्ब ३७ करोड ४१ लाख रुपैयाँ पुगेको छ (अघिल्लो वर्ष: ७ अर्ब ५४ करोड ८१ लाख रुपैयाँ)।
खुद बीमाशुल्क आर्जन : अघिल्लो वर्ष ७ अर्ब १३ करोड २१ लाख रुपैयाँ रहेकोमा २५.८७ प्रतिशतले बढेर ८ अर्ब ९७ करोड ७१ लाख रुपैयाँ कायम भएको छ।
वित्तीय विवरणका सूचकहरू :
चुक्ता पुँजी : ५ अर्ब रुपैयाँ
प्रतिशेयर आम्दानी (EPS) : ७.८२ रुपैयाँ
प्रतिशेयर नेटवर्थ : १३१.६० रुपैयाँ
पीई रेसियो: ५५.६७ गुणा
कम्पनीको शेयर प्रिमियम : ४४ करोड ९६ लाख रुपैयाँ
महाविपत्ति कोष : २६ करोड ९४ लाख रुपैयाँ
रिटेन्ड अर्निङ : ४९ करोड ८३ लाख रुपैयाँ
अन्य इक्विटी : ३६ करोड २६ लाख रुपैयाँ
