काठमाडौँ : नेपाल टेलिकमले ग्राहकहरूलाई लक्षित गर्दै आकर्षक प्याकेज र सुविधाहरू समेटिएको ‘मनसुन अफर २०८३’ सञ्चालनमा ल्याएको छ। यस अफरअन्तर्गत पुराना लोकप्रिय प्याकेजहरूलाई निरन्तरता दिनुका साथै केही नयाँ तथा परिमार्जित प्याकेजहरू समावेश गरिएका छन्।
पोस्टपेड ग्राहकका लागि नयाँ प्याक र सजिलो अनलिमिटेड
नेपाल टेलिकमले पोस्टपेड प्रयोगकर्ताहरूका लागि विशेष प्याकेजहरू ल्याएको छ:
-
पोस्टपेड ३७३ प्याक: रु. ३७३ मा ३० दिनको समयावधिसहित ६ जीबी डाटा, ४०० मिनेट अल-नेट भ्वाइस कल र ५० वटा अल-नेट एसएमएस।
-
पोस्टपेड ४९९ प्याक: रु. ४९९ मा १० जीबी डाटा, ५०० मिनेट अल-नेट भ्वाइस कल र १०० वटा अल-नेट एसएमएस।
-
सजिलो अनलिमिटेड प्याक (रु. ६९९): अनलिमिटेड अल-नेट भ्वाइस कल, दैनिक २ जीबीका दरले मासिक ६० जीबी डाटा र २०० वटा एसएमएस।
-
अन्य उच्च डाटा प्याकहरू:
-
रु. ७९९: अनलिमिटेड भ्वाइस, दैनिक १० जीबी (कुल ३०० जीबी डाटा) र २५० एसएमएस।
-
रु. ९९९: अनलिमिटेड भ्वाइस, दैनिक १५ जीबी (कुल ४५० जीबी डाटा) र ३०० एसएमएस।
-
रु. १,४९९: अनलिमिटेड भ्वाइस, ५०० जीबी डाटा र ३५० एसएमएस।
-
रु. १,९९९ (एक्जिक्युटिभ प्याक): अनलिमिटेड भ्वाइस, अनलिमिटेड डाटा र ५०० एसएमएस।
-
प्रिपेड ग्राहकका लागि आकर्षक अफर
प्रिपेड प्रयोगकर्ताका लागि पनि नयाँ तथा थप सुविधायुक्त प्याकहरू उपलब्ध गराइएको छ:
-
थप डाटा प्याक: रु. ९९ मा १ दिनका लागि ८ जीबी डाटा र रु. १९९ मा ७ दिनका लागि २० जीबी डाटा प्याक।
-
सजिलो अनलिमिटेड प्रिपेड:
-
रु. ९९९: अनलिमिटेड अल-नेट भ्वाइस, दैनिक १५ जीबीका दरले ४५० जीबी डाटा र ३०० एसएमएस।
-
रु. १,४९९: अनलिमिटेड अल-नेट भ्वाइस, ५०० जीबी डाटा र ३५० एसएमएस।
-
नमस्ते रिकरिङ, सीयूजी र सापटी सेवामा परिमार्जन
-
नमस्ते रिकरिङ प्याकेज: स्वतः नवीकरण हुने रिकरिङ २९९, ४९९ र ७९९ प्याकसँगै अब ‘नमस्ते रिकरिङ ६९९ प्याक’ समेत उपलब्ध गराइएको छ।
-
सीयूजी (CUG) प्याकेज: कर्पोरेट युजर ग्रुपका लागि पनि नयाँ परिमार्जित प्याकेजहरू समावेश गरिएका छन्।
-
नमस्ते क्रेडिट (सापटी) सेवा: साउन १५ गतेदेखि लागू हुने गरी सापटी रकम परिमार्जन गरी रु. ३० बनाइएको छ। यस रकमबाट रु. ३० वा सोभन्दा कम मूल्यका कुनै पनि डाटा, भ्वाइस वा एसएमएस प्याक खरिद गर्न सकिनेछ।
अफर कसरी लिने?
मनसुन अफर आजैदेखि लागू भएको छ। ग्राहकहरूले आफ्नो मोबाइलबाट *1415# डायल गरेर वा ‘नेपाल टेलिकम’ (Nepal Telecom) मोबाइल एपमार्फत विभिन्न प्याकेजसम्बन्धी जानकारी लिन र सेवा सुचारु गर्न सक्नेछन्।
