काठमाडौँ : आज नेपाली बजारमा सुनचाँदीको मूल्य बढेको नेपाल सुनचाँदी व्यवसायी महासंघले जनाएको छ। शुक्रबार तोलामा १० हजार ५ सय रूपैयाँ घटेको सुनको मूल्य आज प्रतितोला ६ सय रूपैयाँ बढेको हो।
महासंघका अनुसार आज सुन प्रतितोला २ लाख ८७ हजार ३ सय रूपैयाँमा किनबेच भइरहेको छ भने शुक्रबार प्रतितोला २ लाख ८६ हजार ७ सय रूपैयाँमा कारोबार भएको थियो।
यस्तै, शुक्रबार प्रतितोला ४ हजार ६ सय ४० रूपैयाँमा कारोबार भएको चाँदी आज तोलामा ४ हजार ६ सय ९० रूपैयाँमा किनबेच भइरहेको छ। जुन मूल्य अघिल्लो दिनको तुलनामा प्रतितोला ५० रूपैयाँ बढेको हो।
अन्तर्राष्ट्रिय बजारमा आज सुन प्रतिऔंस ४ हजार १ सय ५६ अमेरिकी डलरमा कारोबार भइरहेको छ।
