काठमाडौँ : सिद्धार्थ बैंक नेपाल प्रिमियर लिग (एनपीएल)को दोस्रो संस्करणमा आज एक खेल हुँदैछन्। आज लुम्बिनी लायन्स र काठमाडौँ गोर्खाजबीच कीर्तिपुरस्थित त्रिवि क्रिकेट रंगशालामा दिउँसो ४ बजे प्रतिस्पर्धा हुँदैछ।
लुम्बिनी लायन्सको कप्तानी रोहित पौडेल सम्हाल्नेछन् भने काठमाडौँ गुर्खाजलाई कारण केसीले नेतृत्व गर्नेछन्। प्रतियोगितामा लुम्बिनीको यो तेस्रो खेल हो भने काठमाडौँको चौथो खेल हो ।
यसअघि, काठमाडौँको भने पहिलो खेलमा साविक विजेता जनकपुर बोल्ट्सलाई ५ विकेटले हराएको थियो तर, दोस्रो र तेस्रो खेलमा सुदूरपश्चिम रोयल्स र विराटनगर किंग्सविरुद्ध क्रमशः २९ रन र ५ विकेटले हार व्यहोरेको थियो ।
यता, लुम्बिनीले पहिलो खेलमा चितवन राइनोजविरुद्ध ६ विकेटको जित निकालेको थियो बने दोस्रो खेलमा कर्णाली याक्सविरुद्ध ९ विकेटको पराजित भएको थियो ।
