काठमाडौँ : अवैध सुनसहित दुई भारतीय नागरिक पक्राउ परेका छन्। आइतबार धनगढी नगरपालिका–३ मा जाँचका क्रममा भारतीय नम्बरप्लेटको गाडीबाट ५ सय ४९.२०० ग्राम सुन बरामद भएपछि उनीहरू पक्राउ परेका हुन्।
पक्राउ परेका व्यक्तिहरूमा उत्तर प्रदेशको मोहला बजार–२, पलियाकला खिरी निवासी ४४ वर्षीय दीपक गुप्ता र ३४ वर्षीय सुमित बर्मा रहेका छन्। जिल्ला प्रहरी कार्यालय कैलालीका अनुसार गाडीको शंका लागेपछि जाँच गर्दा उक्त सुन फेला परेको हो।
हाल प्रहरीको नियन्त्रणमा रहेका ती दुईमाथि आवश्यक अनुसन्धान भइरहेको छ।
