काठमाडौं : आज आइतबार कोशी प्रदेश र गण्डकी प्रदेशका पहाडी क्षेत्रमा आंशिकदेखि साधारणतया बदली रहनेछ भने देशका अन्य स्थानमा मौसम प्रायः सफा रहने अनुमान गरिएको छ।
मौसम पूर्वानुमान महाशाखाका अनुसार कोशी र गण्डकी प्रदेशका केही पहाडी भूभागमा हल्का वर्षाको सम्भावना रहेको छ। साथै उच्च पहाडी तथा हिमाली क्षेत्रमा कतिपय स्थानमा हल्का हिमपात पनि हुन सक्ने अनुमान गरिएको छ।
रातको समयमा कोशी प्रदेशका पहाडी क्षेत्रमा बदलीको सम्भावना रहे पनि अन्य स्थानमा मौसम मुख्यतः सफा रहनेछ। कोशी प्रदेशका पहाडी भूभागका सीमित स्थानमा हल्का वर्षा हुनसक्ने महाशाखाले जनाएको छ।
स्थान विशेषमा यात्रा गर्ने योजनामा हुनुहुन्छ भने स्थानीय मौसमको जानकारी राख्न सुझाव दिइएको छ।
