काठमाडौं : आज देशभर पश्चिमी वायु र पहाडी भू-भागमा स्थानीय वायुको सामान्य प्रभाव रहने मौसम पूर्वानुमान महाशाखाले जनाएको छ।
बिहान देशका पहाडी भू-भागमा आंशिक बदली रहँदा बाँकी भू-भागमा मौसम मुख्यतया सफा देखिएको छ।
दिउँसो कोशी, बागमती र गण्डकी प्रदेशका पहाडी क्षेत्रहरूमा आंशिक बदली हुने अनुमान गरिएको छ भने बाँकी भू-भागमा मौसम सफा रहनेछ। यसबाहेक, कोशी र गण्डकी प्रदेशका पहाडी क्षेत्रमा एक-दुई स्थानमा हल्का वर्षाको सम्भावना छ।
आज राति पनि कोशी, बागमती र गण्डकी प्रदेशका पहाडी क्षेत्रमा आंशिक बदली रहन सक्छ। बाँकी भू-भागमा भने मौसम मुख्यतया सफा रहनेछ। कोशी र गण्डकी प्रदेशका पहाडी क्षेत्रका केही स्थानमा हल्का वर्षा हुन सक्ने अनुमान गरिएको छ।
