काठमाडौं : हाल देशभर पश्चिमी वायु र पहाडी भू-भागमा स्थानीय वायुको सामान्य प्रभाव रहेको छ। यसका कारण गण्डकी र कोशी प्रदेशका पहाडी क्षेत्रमा आंशिक बदली देखिएको छ भने बाँकी क्षेत्रको मौसम मुख्यतया सफा रहेको छ।
देशको तराई क्षेत्रमा केही स्थानमा बाक्लो हुस्सु/कुहिरो लाग्नाले बिहान-बेलुकी यात्रा गर्दा सतर्कता अपनाउन सल्लाह दिइएको छ।
आज दिउँसो कोशी, बागमती, गण्डकी,र कर्णाली प्रदेशका पहाडी क्षेत्रमा आंशिक बदली रहने सम्भावना रहेको छ। अन्य भू-भागमा भने मौसम आंशिक बदलीदेखि मुख्यतया सफा रहनेछ।
आज राति पनि यी प्रदेशका पहाडी क्षेत्रमा आंशिक बदली देखिनेछ भने बाँकी क्षेत्रको मौसम मुख्यतया सफा रहने अनुमान गरिएको छ।
