काठमाडौँ : आज शनिबार गण्डकी प्रदेश, कर्णाली प्रदेश र सुदूरपश्चिम प्रदेशसहित देशका पहाडी भूभागमा आंशिक बदली रहनेछ, जबकि बाँकी क्षेत्रमा आंशिक बदलीदेखि मुख्यतया सफा मौसमको सम्भावना छ।
मौसम पूर्वानुमान महाशाखाका अनुसार कोशी प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी क्षेत्रका केही ठाउँमा मेघ गर्जन र चट्याङसहित हल्का वर्षा हुन सक्छ।
आज शनिबार राति पनि देशका पहाडी भूभागमा आंशिक बदली रहनेछ भने बाँकी भूभागमा आंशिक बदलीदेखि सफा मौसमको सम्भावना रहेको छ। कोशी र गण्डकी प्रदेशका पहाडी भूभागका एक-दुई स्थानमा छिटपुट वर्षा हुनसक्छ।
