काठमाडौं : मुनलाईट हाइड्रोपावर कम्पनी लिमिटेडले सर्वसाधारणमा प्राथमिक शेयर (आइपीओ) निष्काशन गर्न बिक्री प्रबन्धकमा लक्ष्मी सनराइज क्यापिटल लिमिटेडलाई नियुक्त गरेको छ।
सम्झौतामा लक्ष्मी सनराइज क्यापिटलको तर्फबाट प्रमुख कार्यकारी अधिकृत विजय लाल श्रेष्ठ र मुनलाईट हाइड्रोपावरका प्रमुख कार्यकारी अधिकृत अनन्त कार्कीले हस्ताक्षर गरेका छन्।
मुनलाईट हाइड्रोपावरले जारी गर्ने आइपीओ अन्तर्गत १ सय रुपैयाँ अंकित दरका १ करोड ७६ लाख १० हजार ५० कित्ता साधारण शेयर सर्वसाधारणमा बिक्री गरिने छ। यसमा १ अर्ब ७६ करोड १० लाख ५ हजार रुपैयाँ बराबरको शेयर समावेश गरिएको छ।
हाल मुनलाईट हाइड्रोपावरले सिन्धुपाल्चोक जिल्लाको जुगल गाउँपालिकामा निर्माणाधिन २२.१४ मेगावाट क्षमताको बलेफी-ए जलविद्युत् आयोजना परियोजनाको ७० प्रतिशतभन्दा बढी कार्य सम्पन्न गरेको छ।
