काठमाडौँ : नेपाल टेलिकमले दशैं, तिहार, छठ जस्ता पर्वहरूको अवसरमा "दशैं अफर- २०८१" ल्याएको छ। जसमा ग्राहकहरूलाई विभिन्न सहुलियत प्याकेजहरू प्रदान गरिएको छ। यस अफर असोज १३ गतेदेखि कात्तिक २३ गतेसम्म उपलब्ध हुनेछ।
अफरका प्रमुख सुविधाहरू यसप्रकार छन् :
एफटीटीएच प्याकेजहरूमा ब्यान्डविथ अभिवृद्धि:
साबिकको मूल्यमा एफटीटीएच (फाइबर टू द होम) प्याकेजहरूमा ५० प्रतिशतसम्म ब्यान्डविथ थपिएको छ। ५०, ७५, १००, १५० र २०० एमबीपीएस गतिका प्याकेजहरूमा क्रमशः ७५, १००, १२५, १७५ र २२५ एमबीपीएस ब्यान्डविथ उपलब्ध हुनेछ। नयाँ जडानमा ५०० रुपैयाँ जडान शुल्क मिनाहा गरिएको छ।
जीएसएम सेवाका अफरहरू:
७९९ रुपैयाँमा सजिलो अनलिमिटेड प्याकेज: जसमा अल नेट अनलिमिटेड भ्वाइस, ४५ जीबी डाटा, र ५०० ओटा अल नेट एसएमएस सुविधा साथै, २५० रुपैयाँमा १ हजार मिनेट अल नेट भ्वाइस र ९९ रुपैयाँमा १ हजार अन नेट एसएमएस सुविधा समावेश गरिएको छ।
यी प्याकेजहरू प्रिपेड ग्राहकका लागि २८ दिन र पोस्टपेड ग्राहकका लागि ३० दिनसम्म मान्य हुनेछन्। ग्राहकहरूले *1415*6# डायल गरेर वा ‘नेपाल टेलिकम एप’ मार्फत अफरहरू खरिद गर्न सक्नेछन्।
