काठमाडौँ : सन नेपाल लाइफ इन्स्योरेन्स कम्पनी लिमिटेडले गणेश चौलागाईलाई सूचना अधिकारीमा नियुक्त गरेको छ। चौलागाईसँग वित्तीय क्षेत्रमा करिब दुई दशक लामो अनुभव छ र उनी यसअघि कम्पनीको चिफ मार्केटिङ अफिसरको भूमिका पनि निभाउँदै आएका थिए।
कर्मचारी, अभिकर्ता, र विभिन्न सेवाग्राहीसँग उत्कृष्ट सम्बन्ध राख्दै आएका चौलागाईलाई कम्पनीले सूचना अधिकारीको अतिरिक्त जिम्मेवारी दिएको हो।
उनी यसअघि आइएमई लाइफ, हिमालयन लाइफ, र सानिमा रिलायन्स लाइफमा सहायक महाप्रबन्धकको रूपमा काम गरिसकेका छन्। चौलागाईको आगमनसँगै सन नेपाल लाइफ इन्स्योरेन्सले व्यवसाय वृद्धि र सुशासनमा थप प्रगति हासिल गरेको छ।
