काठमाडौँ : नेपाली बजारमा सुनको मूल्यले नयाँ उचाइमा पुग्दै रेकर्ड तोडेको छ। आज बिहिबार पनि सुनको मूल्य वृद्धि भएको छ। 

नेपाल सुनचाँदी व्यवसायी महासंघका अनुसार आज सुनको मूल्य तोलामा ३ सय रुपैयाँले बढेर प्रतितोला १ लाख ६० हजार ७ सय रुपैयाँ पुगेको छ। लगातार बढिरहेको सुनको मूल्यले हरेक दिन नयाँ रेकर्ड कायम गरिरहेको छ।

हिजो बुधबार सुनको मूल्य तोलाको १ लाख ६० हजार ४ सय रुपैयाँमा कारोबार भएको थियो। 

यस्तै, आज चाँदीको मूल्य भने स्थिर रहेको छ। आज चाँदी मूल्य प्रतितोला १ हजार ९ सय ५५ रुपैयाँमा कारोबार भइरहेको छ। हिजो चाँदी भने तोलामा ४० रुपैयाँले बढेर प्रतितोला १ हजार ९ सय ५५ रुपैयाँमा कारोबार भएको थियो।