काठमाडौँ : रिलायबल लाइफ इन्स्योरेन्सले दिपेशबाबु तिवारीलाई कम्पनी सचिवमा नियुक्त गरेको छ। असोज ७ गते सम्पन्न सञ्चालक समितिको बैठकले तिवारीलाई वरिष्ठ सहायक महाप्रबन्धकको भूमिकामा रहँदै कम्पनी सचिवको जिम्मेवारी दिएको हो। तिवारीको नियुक्ति कात्तिक १ गतेदेखि लागू हुनेछ।
यसअघि, कम्पनी सचिवको जिम्मेवारीमा रहेका नारायणहरि अधिकारीले व्यक्तिगत कारण देखाउँदै राजीनामा दिएका थिए। अधिकारीको राजीनामा स्वीकृत गर्दै सञ्चालक समितिले तिवारीलाई यो महत्त्वपूर्ण जिम्मेवारी सुम्पेको हो।
